Pilar Rubio Berritxun ikusteko aukera izango dugu asteburu honetan ziurrenik. Harrigarria dirudi ezta?? Tira ba, ez da hainbeterako. Pilar Rubio aurkezle ezaguna Hamlet musika-taldeko kantariaren, Mollyren, neska-laguna da. Horraino, ados. Bada, Hamlet taldeak kontzertua emango du larunbatean Berritxuko plazan (22:30ean) eta badirudi, taldearekin batera, Rubio andereñoa ere bertan ibiliko dela.

Tele 5 kateko izarraren zaleak bazarete, badakizue, asteburu honetan bueltatxoa egin ezazue Berritxuko plazatik eta ea bera ikusteko zortea daukazuen!!! Agian txosnetan topatuko duzue pote batzuk hartzen! Gernikako jaietan izan zen 2007an, Hamletek txosnetan eman zuen kontzertua eta mutil-lagunarekin batera joan zen Rubio bertara. Adi beraz! Norbaitek Berritxun ikusten badu, utz diezagula iruzkinen bat!