Sandra Bullock munduko emakume ederrena izendatu du People aldizkariak. Horrela, Lupita Nyong’o aktoreari kendu dio postua The Blind Side pelikulako protagonistak.

Ostera, umorez hartu du albistea, eta “irrigarritzat” jo du izendapena.

50 urteko aktorearen ustez, “polit izaten saiatzen ez diren emakumeak dira itxuraz politenak”. Gainera, topikoari eutsiz, edertasuna barruan daramagula pentsatzen du Bullockek: “Benetako edertasuna lasaitasuna da, pertsona ona izatea, ama ona izatea”, gaineratu du.

Hain zuzen, haren semea da hitz ederrenak botatzen dizkionak. Bost urteko mutiko koskorrak esaten dizkion berbei esker, edertasuna norberaren itxuratik haratago doala konturatu omen da.

Ildo horri eutsita ondorengo anekdota kontatu du: “Aurpegian zimurrak ditudanean, zaharra naizenean eta ilezuria daukadanean berdin-berdin maiteko dudala esan nion behinola semari, ohean sartzen ari nintzenean. Orduan, zimurrak zergatik ditudan galdetu zidan, eta horietako asko barre egiteagatik atera zaizkidala erantzun nion. Mutikoak aurpegia ukitu eta “ez zara zaharra, zoriontsua baizik” esan zidan.