Category Archives: @ Bildua

Polizia diru eske!

PoliziaAzken aldian birus berezi dabil gure artean, eta berezia zergatik?

Gure ordenagailuari min egiten ez diolako, blokeatu bakarrik egiten duelako.

Poliziaren birusa bezala ezagutzen da sarean, eta azken aldian ordenagailu asko kutsatu ditu. Ordenagailuan lasai asko nabigatzen gauden bitartean sartzen da gure sistemara: isil isilik sartzen da, beste zerbait instalatzen dugun bitartean instalatzen da. Eta bat batean… gure ordenagailuan pantaila beldurgarri bat erakusten digu.

Poliziak gure ordenagailua blokeatu egin duela dioen mezua agertzen zaigu pantailan, eta gainera ezin dugu gure pantailatik mezu hau kendu. Nahiz eta teklatuko tekla guztiak zapaldu, konbinazio ezberdinak probatu… Mezuak ordenagailua blokeatzen digu. Gainera esandakoa, poliziaren izenean egiten du, Ministerio ezberdinetako logoak erakusten ditu… eta hau dena gutxi balitz dirua eskatzen digu gure ordenagailua desblokeatzeko. Poliziak mezua igorri du, honekin zerikusirik ez duela esanez.

Pantailan ageri den mezuaren arabera, delituren bat egiteagatik blokeatu digute ordenagailua. Baina hau gezurra da, ez sinetsi ,  gezurra baita. Gainera kontutan hartu delitu zibernetikoren baten errudun jotzen gaituztenean, erakunde publikoek ez dutela modu honetan erantzuten.

Eta behin kutsatuta zer egin?

Oso erraza, beraz adi! Ordenagailura era seguruan (Modo Seguro, a prueba de fallos) bezala sartu behar gara. Hau egiteko, ordenagailua pizten ari denean F8 sakatu behar dugu (pare bat aldiz, badaezpada…). Hau egitean Windows sistema eragilea martxan jartzeko aukera ezberdinak emango dizkigu, eta orduan aukeratu behar dugu ERA SEGURUA.

Behin sistema martxan dugunean , spyware bat instalatu behar dugu (poliziaren birusa bezala ezagutzen dena, eta antzerako kode maltzurrak edo txarrak ezabatzeko programa bat). Malwarebytes esaterako. Instalatu ondoren, ordenagailua aztertu dezala, aztertu eta kode maltzur hori ezabatu dezala.

Ondoren bigarren pausu bat ematea komeni da. Erregistroa eta fitxategi tenporalak ezabatzeko. Lan honetarako CCleaner erabili dezakegu

Lan hauek egin ostean , ordenagailua beti egiten dugun  moduan piztu beharko dugu... Eta ikusi ea egin dugun lanak balio izan duen eta ez den pantailan ezer agertzen.

Azkenik, gure antibirusa martxan jarri beharko genuke, badaezpada gure sisteman zerbait geratu bada, hau ere borratzeko

Eta hau dena egin ostean mezua berriro agertzen bada? Printzipioz ez luke agertu behar, baina hori gertatzen bada… beste maila bateko neurriak hartu beharko  genituzke.

Hori bai kontutan hartu, horrelako gauzak gure ordenagailuan ez instalatzeko, beti esaten den bezala, zuhurtziaz jokatu behar dugula sarean. Ezagutzen ez ditugun lekuetatik ez jaitsi instalatzeko ezer…

Gu gara birusen aurrean lehenengo barrera.

Mugikorrak eta Sinde Wert legea

El-Mobile-World-Congress-2012Bartzelonara eta Madrilera begira egon gara aste guztian, albisteak bertan gertatu baitira.

Internet eta sare sozialei esker ikasleak Bartzelonako kaleetan egiten ari ziren manifestazio eta itxialdien berri jakin izan dugu, inolako manipulaziorik gabe honek ere zeresana eman duelako asteaz zehar, batez ere prentsa espainiarrean

Baina teknologiaren arloak ere protagonista izan dira Kataluniako hiriburuan.

Mobile World Congress-a amaitu berritan, hurrengo urtean ikusiko ditugun mugikor eta tabletak aurkeztu direlako bertan. Azken teknologia bai, batzuetan xelebre xamarra, besteetan erabilgarria, baina kasu guztietan ikusgarria.

Mugikortasunari eskainitako azoka beste urte batez ere arrakastatsua izan da.

Espainiako hiriburuan aldiz epaitegiei begira jarri behar. Sinde Wert legea martxan jarri delako aste honetan, eta dagoeneko lehen errudunak salatuak daudelako. Baina gai bitxia hauxe, salatuak euren burua salatu dutelako.

Hau da, eurak joan dira epaitegietara, Sinde Wert legea urratzen ari direla esanez.

Esandakoa hiriburuei begira egoteko astea izan dela hauxe.

Emakumeak bideojokoetan aztergai, @ Bilduan

laraEHUko Gizarte Zientzien Fakultateak antolatutako jardunaldien berri emango dute Iratxe Fresnedaren eskutik.

Aste honetako ‘@ Bildua’ saioak EHUko Gizarte Zientzien Fakultateak antolatuta datorren astean egingo diren jardunaldien berri emango du. Bertan emakumeak bideojokoetan duen presentzia aztertuko dute. Iratxe Fresnedarekin mintzatukodira.

Horrez gain, nabigatzaileei begira jarriko dira ‘@ Bildua’n. Josu Barandallaren laguntzaz, nabigatzaile batetik bestera informazioa nola pasa eta nola kudeatu aztertuko dute.

Eta adi, zozketa bikain bat ere martxan jarriko baitute. Larunbatean, goizeko 09:30ean, Euskadi Irratian, ‘@  Bildua’.

Larunbatean @ Bilduan

facebookFacebook-eko segurtasun zuloaz arituko gara.
Sare sozialak egin dituen azken aldaketen inguruan sortutako kezka eta zalantzei erantzuna emango diegu Euskadi Irratian.
Facebook-eko segurtasuna izango duguhizpide aste honetako ‘@ Bildua’ saioan. Josu Barandallak emango ditu azalpen guztiak eta entzuleek bidalitako galderei erantzuna emango diegu. Iradoki.net-eko lagunei esker, ordea, beste gai batzuk jorratuko ditugu. Kioskoetan hainbeste ugaritu diren bildumak hartuko dituzte mintzagai Mikel Madinarekin.

Eta hori gutxi balitz, sareari errepasoa egingo diogu irratsaioan, musikarik arrakastatsuenaren laguntzarekin, eta agur bat ere izango dugu, Eneritz Iraolak agur esango baitio Euskadi Irratiko teknologia berrien txokoari.

@ Bildua: Ordenagailuen kontrola

blog5Ordenagailuen kontrola izatea gustatzen zaigu beti, eta batez ere gurea denean. Baina momentu jakin batzuetan kanpoko norbaitek gure ordenagailua kontrolatu dezakeela jakitea ere ongi dago. Hau batez ere enpresetan ikusi izan dugu beti, zerbitzu informatikoko pertsonek gure ordenagailua munduaren beste puntatik kontrolatzeko aukera izaten dutelako. Gai hau bizkarrean hartuta etorri zaigu aste honetan Josu Barandalla.

Baina Googleko bulegoak ere bisitatu ditugu, lan horretarako gaineras Iñigo Etxebesteren laguntza izan dugu. Eta hau dena gutxi balitz Windows 8-az ere mintzatu gara eta baita Apple eta Samsung-en hika mikaz ere

Hemen klik eginda audioa entzuteko aukera izango duzu!

Eta ez ahaztu urriaren 1ean egingo dugula Xenoblade Chronicles bideojokoaren zozketa. Nintendoren eskutik ematen dugu gainera. Parte hartzeko nahikoa duzue abildua@eitb.com helbidera zuen mezua bidaltzearekin, edo gure facebookeko orrian argazkian atsegin dut klikatzea

@ Bildua: Zaharkitze programatua

blog4Zenbat irauten dute etxean erabiltzen ditugun etxetresnek? Bizitza mugatua al dute? Hau da, puntu jakin batera iristean puskatu, matxuratu edo funtzionatzeari uzten al diote?
Gai hau hartu genuen hizpide larunbat goizeko saioan. Lehen baina arinago aldatzen ditugu, ordenagailu eta antzerakoak, eta honek dakarren kontsumoa ere aztertu genuen. Lan hauetan Josu Barandalla jarri genuen.
Baina Guifi.net-az ere hitz egin genuen. Euskal Herrian martxan jarri nahi den ekimenaz, interneterako sarrera librea eskaintzeko proiektuaz. Pasa den asteburuan Nafarroan antolatu zuten ekitaldiaz hitz egin genuen Dabid Martinezkin.
Sony etxearen arazoak, edo Skype etxearen salmenta ere aipatu genuen. Egin klik azpiko estekan eta gozatu saioaz.

Eta ahaztu Nintendoren eskutik Lego Piratas del Caribe jokoa banatuko dugula hilabete bukaeran. Parte hartzeko email bat bidali behar duzue abildua@eitb.com helbidera. Eta zorte pixka batekin zuena izan daiteke 3DS-rako jokoa.

@Bildua: Mugikorretako sistema eragilea aldatzeko bidea

blog3Telefono mugikorren konpainiek nahi dutena egiten dute. Hori garbi dago. Haien menpe gaude. Haiek ezartzen dizkigute tarifak, eta baita ere mugikorretan dugun sistema eragilea ere.
Nahiz eta gure mugikorrek duten oinarrizko programa, librea izan (nahi duenak hobekuntzak egiteko) konpainiarena ezartzen digute. Errazago ulertzeko, sistema eragilea eraldatu egiten dute, bezeroari esperientzia mugatzeko. Eta hau zergatik egiten duten? Haiei galdetu beharko, ez baitago batere garbi zergatik egiten duten.
Egiten dituzten eraldaketekin, telefonoak berez dituen zerbitzuak mugatu egiten dituzte. Hau da, nahiz eta hardware aurreratuena izan, ezin izaten dugu erabili.
Baina lasai! Hau konpontzea oso erraza baita.
Software txiki batzuei esker, minutu gutxian edukiko baitugu gure telefono mugikorra egoera guztietarako prest. Eta hau nola egin jakiteko, gure saioa entzun besterik ez duzue, Josu Barandallak eman baititu datu eta truku guztiak.
Baina ez da izan irratsaioan landu dugun gai bakarra, Noemi Riverarekin hitz egiteko aukera ere izan baitugu. Donostweets izeneko ekimenen sortzaileetako bat da, eta haien berri eman digu.

Ez galdu hurrengo saioa, Phising-az mintzatuko baikara eta baita ere online ikusi ditzakegun pelikulez ere

@ Bildua: Milioi bat bisitari, eta milioi bat birus ezabatzeko moduak

blog2Eitb.com– atariak milioi bat bisitari baina gehiago izan zituen martxoan. Orain arte lortu den markarik onena da eta garbi geratu da egunetik egunera gero eta gehiago garela bertara gerturatzen garenak. Urte betean %30 igo da bisitarien kopurua. Beraz mila esker Eitb.com bisitatzen duzuenoi, eta zorionak bertan lanean dauden guztiei ere.

Baina hau ez da izan aste honetan landu dugun gai bakarra. Batua -Bizkaiera bihurtzaileari buruz ere aritu ginen Rodrigo Gartziarekin, Azkue fundazioko zuzendariarekin. Oraingoz bihurtzaileak bide bakarra egiten du, oraingoz ezin baitu bizkaiera batua bihurtu, baina elkarrizketan bertan Rodrigok adierazi duenez hori hurrengo pausua izango omen da.

Wii kontsolaren inguruan sarean dabiltzan zurrumurruak ere aipatu ditugu, Spotify-eko azken albisteak bezala.

Sarean aurkitu ditzakegun doako antibirusei buruz ere hitz egin dugu ‘@ Bildua’n. Josu Barandallak eman ditu azalpen guztiak.

Hau guztia entzun nahi baduzue, nahikoa duzue hemen behean aurkitzen den botoian klik egitea besterik ez duzue.

Larunbat goizean espero zaituztegu, goizeko 09:30etan Euskadi Irratiaren sintonian.

@ Bildua: Zer da firewall bat? eta antispyware bat?

segurtasunaGure ordenagailuetan segurtasuna bermatzeko lehengo pausua eman zen aditzera larunbateko ‘@Bildua’n. Horretarako programa ezberdinek zer egiten zuten azaldu zuten. Josu Barandalla adituak eman zuen jakitera software bakoitzaren zeregina. Zer ote da Antibirus bat? eta firewall bat? Eta spyware bat?
Web orrien informazioa biltzeko balio duen Google Analytics aplikaziaren berri ere eman zen larunbatean. Lan horretan Iradoki-ko Mikel Madina aritu zen.
Baina bi gai hauek ez ziren izan landu ziren gai bakarrak, Linux-ek 20 urte bete zituela ere jakitera eman baitzen. Euskadi Irratiko Maite dut Irratia lehiaketako irabazlearen lanaz gozatzeko aukera ere izan zen ‘@ Bilduan’. Gogoratu lan hori entzungai duzuela Eitb.com atarian.
Eta hemen behean entzun dezakezuena post honetan aipatu den programa duzue!!!!!

@ Bildua: Enkriptazioa, mezuak kodeen atzean ezkutatzen

abildua02Aste honetako ‘@ Bildua’n, enkriptazioaz hitz egin dugu. Mezueen kodeeketaz, hau da, nola eztutatu gure mezuak kode baten atzean. Ez da gaur egungo gaia, Mesopotamiatik datorren zerbait baita. Baina ez da ahaztu behar informatika eta internten sarrerarekin batera oso garrantzitsua gertatu den gaia izan dela.

Gai honetaz gain beste batzuk ere landu ditugu irratsaioan. Bilatzaileetan gure edukiak ongi kokatzeko bideak eman baititugu. Eta bilatzaileak aipatuta, Googleren +1 botoiaz ere hitz egin dugu.

Spotify-ek erabiltzaileen ordenagailuetan instalatu duen birusa ere mintzagai hartu dugu, Youtuben ikusi dugun hizkuntz berria bezalaxe, TATATA hizkuntza. Gure Top internet zerrenda partikularra ere osatu dugu.

Eta hau guztia entzun nahi baduzue, hitz hauen azpian klik egitea besterik ez duzu!