Itxarotearen bertutea

Cadel Evans erretiratu egin da. Simon Gerrans 20. postuan sailkatu da, Alejandro Valverde 22. eta Joaquin Rodriguez 24. Amstel Gold Raceko faborito askok huts egin dute, ez dute iragarritakorik bete. Ez dute euren mailarik onenean jardun. Karrera Enrico Gasparotto 30 urteko italiar batek irabazi ditu, ezustean. Zortzi urtean ez du dozena lasterketarik ere irabazi, ez da handietako bat, baina handietako bat irabazi du. Aurre ikusitako mailan ibili direnak Peter Sagan (hirugarren), Voeckler (bosgarren) eta Samuel Sanchez (zazpigarren) izan dira. Nik ez nuen uste Freire (laugarren) eta Gilbert (seigarren) hain ondo ibiliko zirenik.

Gasparottok batzuetan itxarotea, zain egotea, zeinen garrantzitsua den erakutsi du. Bardet harrapatu eta gutxira Freirek egin du ihes, helmugarako zazpi kilometro faltan. Frantziarra hasierako ihesaldian izan da eta sekulako adore erakustaldia eman du. Oso maila onean aritu da. Freireren joera ez da ohikoa izan. Kantabriarra azerikerien maisua izan da. Beti azken unerarte zain egon eta behar beharrezkoa zenean agertzen zen, azken 25 metroetan. Gaur kontrakoa egin du. Ihes. Bere azken emaitzak ikusita, beharbada, ez zeukan beste irtenbiderik. Orain arte lasterketa horretan egin duena ikusita ere ez. Beti zain egoteak ez dio aparteko emaitzik eman. Bost aldiz sailkatu da aurreneko hamarretan, baina inoiz ez du irabazi, ez-eta podiumik lortu ere. Gaur esku eskura izan du. Ondo egin du, ze arraio!

Gilbert ez da Freire bezain goiztiar ibili, baina hura ere goizegi, zituen indarrentzako. Iaz leku berean jo eta harri txintxarrak altxa zituen, inork ezin izan zion jarraitu. Gaur hiru lagunek eutsi diote eta azkenean pasa ere bai. Hala ere oso denbora gutxian nabarmen egin du gora eta horrek erakusten du zenbat duen berezkotik. Litekeena da gaur zortzi, Liegen, doi doi egotea. Ona litzateke.

Belgikako txapeldunaren ostean Saganek jo du. Gilbert gainditu duela ikusita seguru garaile jo duela bere burua, baina hura ere bere esfortzuan ito da helmuga baino lehen. Lehertu egin da 20 metrora. Ez da harritzekoa 22 urterekin. Esperientzia falta ordaindu egiten da, larrutik ordaindu ere.

Ziur nago Gasparotto ez zihoala Sagan baino indartsuago, ez Gilbert eta Freire baino sendoago ere, baina litekeena da karrera gutxi irabazi izanak beldurra eragitea. Seguru bere burua ez duela inguruan zituenen pare ikusi eta horregatik zuhur jokatu du, lehertzeko beldurrez. Gaur zain egotea abantaila izan da.

View Comments

  • Gasparotto-ren izena ez du inork aipatu kinieletan egia da, eta jende gehienarentzat sorpresa izan da. Baina ez da ahaztu behar duela bi urte 3.en postuan sailkatu zela (Gilbert-en eta Hesjedal-en atzetik). Beraz, bazuen benetako postu on bat Amstel Gold Race-ean, eta ez zen gutxi-etsi beharreko txirindulari bat, askok egin duten bezala.

    Hau idazten dizut, zeren inongo kinieletan ez nuen aurrez ikusi eta guztiei berak irabaztea sorpresa iruditu zaie, baina aurrez (eta ez duela urte asko, baizik soilik duela 2 urte) lasterketa berean hirugarren egin duen bati buruz hitz egiten ari garela jakinda: niri hori iruditu zait sorpresa: berak irabaztea sorpresatzat hartu izana.

Share
Published by

Recent Posts

Otsailak 1-2, asteburuko atletismo agenda

Hementxe hurrengo asteburuko atletismo frogak: OTSAILAK 1 - LARUNBATA: X. CROSS DE SAN BLAS DE…

10 years ago

Nibali da patroia

Bradley Wigginsen zain geunden arren Vicenzo Nibali da Giroko patroia. Errazegi eman genion garaipena Sky…

11 years ago

Onak beti itzultzen dira

Denbora da Thomas Lofvkist, Mediterraneoko itzulia irabazi berri duen ziklista suediarra begiz jo nuela. 2003a…

11 years ago

Puerto Afera, galdutako epaiketa

Egunotan mundu erdiko zirko mediatikoa Puerto Afereko inputatuen inguruan dabil, euretakoren batek esan zuen moduan…

11 years ago

Lance Armstrong biktima da

Ziklismoaren urrezko panpina apurtu da. Askoren jainkoa hil da eta orain, azkenean, egia aitortu duela-eta…

11 years ago

2012 lasterketa urteari errepasoa kartelen bidez

Lasterketak.com-en, 2012. urteari errepasoa egiteko, ondoko bideoa prestatu dugu lasterketen karteletan oinarrituta. Espero dugu zuen…

11 years ago