Agur bero bat mendizale eta eskalatzaile sutsu, amorratu eta kartsuoi. Blog honek estreinaldia egin nahi du; momentuz ez dago ez flashik, ez kamerarik ezta alfombra gorririk ere, leku txiker honen asmo bakarra zera da: Euskal Herriko (eta horren inguruko) mendiek eta hormek ematen diguten plazerrez gozatzea, ta ez da gutxi.

Mugarra Untxilatzetik ikusita

Berton, erreportajeak, kronikak, berriak, irteerak, argazkiak, proposamenak… topatuko dituzu, danak mendizaletazunari eta eskaladari –horman nahiz blokean- lotuak. Beraz, eseri zaitez, ondo egokitu zure eserlekua, lasaitasunez hartu eta goza zazu. Ah, ta ez ahaztu zure esperientzia eta jakinmina partekatzeaz.