Monthly Archives: January 2011

Eta orain errepidera

Leave a reply
xabier_usabiaga

Xabier Usabiaga

Ez du erraza izango Zdenek Stybar txekiarrak ziklo-krosean adina lorpen erdiestea errepidean, han jardungo baitu aurtendik aurrera Tom Boonenen Quick-Step taldean. Ziklo-kroserako zorionez, ez du neguko espezialitatea utziko eta datozen urteetan ere lokatzari distira atereaz jarraitzeko asmoa du bigarren urtez jarrian Munduko Txapeldun egin den 25 urteko txekiarrak.

Ziklo-krosean lortu beharrekoa lortu du: Munduko Kopa, Superprestigioa eta Munduko Txapelketa iaz, Munduko Txapelketa aurten. Baina abenduan belaunak onartu izan balio beste biak ere aldean izango zituen seguru aski, egungo espezialistarik onena da-eta Stybar.

Quick-Step taldearekin sinatu duelarik, errepiderako urratsa egingo du orain txekiarrak. Udaberrian klasiko handietan ikusi bide dugu. Zer egin dezakeen da galdera. Badira itxaropena pizteko moduko aurrekariak. Eta ez gutxi. Roger De Vlaeminck belgikarra ziklo-kroseko Munduko Txapeldun izan zen 1975an. Monsieur Paris-Roubaix goitizena jarri zioten Iparraldeko Infernua lau aldiz irabazi zuelako, beste inork baino gehiagotan. Horretaz gain 22 etapa garaipen lortu zituen Giroan (Tourrean eta Vueltan bana), eta historian garaipen gehien erdietsi dituen hirugarren ziklista da 207 garaipenekin. Soilik, Eddy Merckx (319) eta Rik Van Looy (272) ditu.

Continue reading →

Berandu da

Leave a reply

contadorAlberto Contadorrek urtebeteko zigorra bete beharko du. Hori da behintzat Espainiako Txirrindularitza Elkargoak proposatu duena. Orain, txirrindulariak berak 10 egun ditu helegiteak aurkezteko. Baita UCI-k eta WADA-k ere erabakiarekin ados ez badaude.

Espainaiko Txirrindularitza Elargoak UCI-k aurrez bidalitako txosten zientifikoak hartu ditu aintzat, ziklistak emandako arrazoiak baino gehiago. Eta seguru aski Clembuteroralekin dauden aurrekariak ere kontutan hartu ditu. Bat Alessandro Colo italiarren kasua da. Positibo eman zuen Mexikoko itzulian iaz, eta Italiako Txirrindularitza Federazioak Clembuterolarekin hazitako haragiaren arrazoia onartu arren (Mexikon onartuta dago) urtebetera zigortu zuten. Okerragoa izan zen Li Fuyu txinatarraren kasua. Bi urteko zigorra jaso zuen iaz RadioShack taldean korritu zuen lehen txinatar profesionalak.

Bada bestelakorik ordea. 2010eko abuztuan, Dimitrij Ovtcharov mahai teniseko jokalari alemaniarrak positibo eman zuen Clembuterolarekin. Bere ilearen azterketa batek ordea negatibo eman zuen. Federazioak proba onartu eta errugabe jo zuten.

Zientzilariek diotenez Clembuterolak arazo asko ditu. Batetik, ilearen azterketa baliagarria izan daiteke baina ilearen nolakoak ere badu zerikusirik. Antza, azterketen irakurketa 20 aldiz zehatzagoa da ile beltzean ile argian baino. Detlef Thieme, Kreischako laborategiko (Alemania) zuzendariak egin ditu adierazpenok, WADA-k onartutako laborategi bateko zuzendairak hain zuen ere.

Bestalde, zientzilariek esaten dutenez ez dago neurri jakin bat non esan daitekeen Clembuterolak giharren hazkundea edo onura eragin duen, eta hori guztia dela-eta WADAri zero tolerantziaren araua berriro aztertzeko eskatu diote.

Egingo balute ere, berandu izango da Alberto Contadorrentzat.

Ikastaro eredugarria Down Underren

Leave a reply

Amaitu berri den Tour Down Underren oso ziklista gazteak nabarmendu dira. Horrenbestez ezezagunak dira oraindik jende askorentzat, baina denbora kontua baino ez da, aurki mundu guztiak ezagutuko ditu. Cameron Meyer (irabazlea), Matthew Goss, Michael Matthews (denak australiarrak) edota Ben Swiftek (Britania Handia) euren nortasunaren arrastoa utzi dute eta bide batez, ziklismoan tradiziorik handiena duten herrialdeei ikastaro eredugarria eman diete.

Kirolean ez dago sekreturik, arrakastaroko giltzarriak  bi dira, kasta eta lana. Kasta, edo klasea edo dena delakoa, sortzez ekartzen da, naturaren baitan dagoen ezaugarria da eta horren aurka ezin da deus egin. Baina lanari dagokionez, ez dago ondo jarduteko mugarik. Horretan ari dira nagusitzen Australia eta Britania Handia. Biak ala biak ziklismoaren seaskan daude oraindik, ia ia jaio berriak dira, baina aurrea hartu diete lozorroan gelditu diren herrialdeei.

Cameron Meyer

Cameron Meyer

Herrialde horietan fisiologo apartak hezi dituzte, ikerketan inbertsio handiak egin dituzte, baita materialetan ere, eta prestaketaren zenbait arlotan aitzindari izaten ari dira. Pista oinarri hartuta, federazioetako teknikariek lan bikaina egin dute. Salbuespenik gabe arestian aipaturiko ziklista denak, eta askoz gehiago ere bai, pistarako egindako epe luzeko egitasmoetatik atera dira eta orain fruituak errepidean ere ari dira jasotzen.

Lehen hori, materialarekin bakarrik gertatzen zen. Bizikleta egile ia denak, eta baita osagarrienak ere, Italiakoak ziren, edo Frantziakoak. Orain, beste hainbat herrialdeetako etxeek gain hartu diete. ProTourreko taldeen materialari erreparatu besterik ez dago. Orain, hori ziklistekin ere gertatzen ari da. Ondo planifikatu, koordinatu, eta garatutako lana erabakigarria izaten ari da.

Gazteen peskizan

3 Replies
Xabier Usabiaga

Xabier Usabiaga

Ez berria delako, baina 2011ko tropelak izango duen aldaketarik azpimarragarriena Leopard-Trek taldea da, Fabian Cancellara eta besteak beste Schlecktarren taldea. Batek baino gehiagok ametsetako taldea dela esan du eta ametsetakoa ez dakit baina Andy Schleckek Tourra irabazteko duen ametsa gauzatzeko egina izan bada eta horregatik eraiki dute internauten ustez iazko talderik onena izan zenaren oinarriaren gainean, Riisen Saxo Banken egitura ia osoa baliatuta, alegia.

Hainbesteko handitasunik gabe atera du taldea Eusebio Unzuek Movistarrekin. Ez du fitxaketa deigarririk egin eta Franco Pellizotti italiarra ekarri nahirik dago baldin eta pasaporte Biologikoaren arautegia ustez hausteagatik UCIk Nazioarteko Arbitraje Epaimahaian jarri duen helegitea gainditzen badu behintzat. Izan ere aurtengoa ere Alejandro Valverderik gabe pasa beharko du, 2012 arte zigortuta baitago Puerto Afera dela-eta.

Aurtengoa ere joan etorrien urtea izango da. Lance Armstrongnek behin betirako agurtuko du nazioarteko tropela eta Radioshack ia bera bezain beterano direnen baitan geldituko da: Andreas Kloden, Levi Leipheimer, Chris Horner, Haimar Zubeldia eta fitxatu berri duten Robbie McEwenen menpe. Danilo Di Luca aldiz, tropelera itzuliko da Katusharekin. CERA-rekin positibo eman zuen 2009ko Giroan eta zigorra bete ostean eraldatuta, zintzotuta itzuliko dela aurreratu du.

Continue reading →