Tag Archives: esaerak

Apirilaren inguruan esaera asko daude! Zein da gehien gustatzen zaizuna?

Apirilean gaude, dagoeneko!! Gaur bi ditu urteko laugarren hilabeteak. Badakizue zer den ohikoa aro honetan: udaberria heltzen dela, euria gehienok nahi duguna baino gehiagotan botatzen duela, ia beti Aste Santuko jaiak eta oporrak izaten ditugula… Bada, apirila beste arlo batengatik ere da ezaguna! Euskarak bere inguruan zenbait esaera dituelako, hain zuzen ere :-). Ez zenekiten? Ba begira guk aurkitu dugun zerrenda:

"Apirilean, euri aunitz". Horrela dio esaerak... eta horrela islatu du Jose Antonio Ortiz de Zaratek argazki honetan.

“Apirilean, euri aunitz”. Horrela dio esaerak… eta horrela islatu du Jose Antonio Ortiz de Zaratek argazki honetan.

Ezagutzen dituzu? Apirilaren inguruko esaerak, euskaraz

-Martxoa haizetsu, apiril euritsu, maiatza gero eguzkitsu.

-Apiril ona ezagutzeko ehun urte bizi beharko! Ehun da bat baditut eta ez dut onik ere ezagutu.

-Apiril, biribil, urdea txerri-tokian hil (Apirileko eguraldi txarragaitik).

-Apirila bero, negua gero.

-Apirila euritsu, urte hura ogitsu.

-Apirila haizetsuak nekazaria pozten du.

-Apirila hotz, miseria ogi-artoz.

-Apirila hotz? Ez gari ta ez agotz.

-Apirila joan eta maiatza gero, agoztegian agotza bego.

-Apirila joan ta maiatza gero, ganbara bazterrean agotza bero.

-Apirila on ikusi nahi duenak, ehun urtez behar du bizi.

-Apirilak bere hotz uztarra bai; jauntsi arina oraino etsai.

-Apirilaren azkenean, hostoa haritz gainean.

-Apirilean euri aunitz.

-Apirilean euria goian-behean.

-Apirilean ihinzte, ogi-urte.

-Apirilean inusturia jotzen badu, berri ona da.

-Apirileko egunak hiru aro.

-Apirileko euriak balio du ardi-arkina hoberena.

-Apirileko zizea, urrea baino hobea.

-Eguzkiz beterik ere, apirila marrant-emaile.

-Opeil bustiak dakaz ogiak.

-Ortzantza apirileko, arnoa barrikako.

-Txikia banintzen, handia banintzen, apirilean lorea nintzen.

Zer iruditu zaizue? Zein da gehien gustatzen zaizuena? 🙂 Eskerrik asko! Eta gozatu hilabete honetaz!!

 

Euskal esaerak sarean: “Bat eman eta bi hartu, gure etxean ez sartu”!

Ezbairik gabe euskaldunok baditugu lagunartean hitz egiteko hainbat esamolde eta euskarazko esaera. Sarean kuskusean ibili gara beste behin, eta hara zer topatuko eta euskal esaerak ardatz dituen Twitter kontu bat. Mundiala iruditu zaigu, eta Euskararen blog honetan euskararen inguruko albisteak zuokin partekatzea izugarri atsegin dugunez, hemen duzue euskarazko esaeren zerrendatxo bat.

Bat eman eta bi hartu, gure etxean ez sartu
Egia egi, ogia ogi, ardaua ardau, bi ta bi lau
Aski ez duena, deusik ez duena
Sasi txikitik atera eta handian sartu
Ametsik gabeko bizia, izarrik gabeko gaua
Zeure osasunerako eta neure onerako
Osasuna, paregabeko ondasuna
Zer ikusi, hura ikasi
Dagoenean bonbon, ez dagoenean egon
On egin dizuela janak eta kalterik ez edanak
Alferkeria, askoren ondamendia
Alferrik da, ura joan eta gero, presa egite
Astoak mandoari belarri luze

Asko dira euskarazko esaerak, beraz, hemen duzue, nahi izatera, aipatutako Twitter kontuan ageri diren esaera guztiak. Zuek ere animatuko zaretelakoan, besarkada handi bana, eta ez ahaztu, EGIN EUSKARAZ, BIZI EUSKARAZ!!! 🙂