Category Archives: berriak

Nafarroa Oinez 2011: Euskara protagonista Tafallan datorren igandean

Nafarroa Oinez 2011 Tafallan ospatuko da datorren igandean, urriaren 16an. Euskara izango da protagonista Nafarroako Ikastolen jaian baina hitzordu horrez gain, euskara ikasteko Arian metodoa ere izango dugu hizpide gaurkoan. Euskararen inguruko bloga aurkeztu genizuen aurreko astean eta bertan esan bezala, lerro hauetan, euskararen inguruan gertatzen den oro zuengana eramateko asmoz, astero-astero Euskaldunok Euskaraz Facebookeko orrialdean esandakaok bilduko ditugu; ekin diezaiogun gaurkoari!

Nafarroa Oinez 2011, Nafarroako Ikastolen jaia, Tafallan ospatuko da aurten eta ‘Hamaika 11n’ izango du lema. Egun osoko jaia iragartzeko, Sorkun eta Kerobia taldeko Xabiren ahotsak izan dituzte lagun tafallako Garces de los Fayos Ikastolako lagunek, hementxe duzue Nafarroa Oinez 2011ko bideoklipa:

Eskaintza oparoa prestatu dute iganderako, joateko asmoa baldin baduzue hona hemen Nafarroa Oinez 2011ko egitaraua. Izatekotan, ziur egitaraua ikusitakoan uxatuko dituzuela zalantza izpi guztiak 😉

Nafarroa Oinez 2011 Tafalla - Egitaraua

Nafarroa Oinez 2011 Tafalla - Egitaraua

Bestalde, Arian metodoa ezagutzen al duzu? Euskara ikasteko modu eraginkorra da, eta hizkuntzaren erabilera sustatzea du helburu. Gehiago jakin nahi? Entzun Euskadi Irratiko Ele-Alea saioa! Arian metodoa aurkeztu dute bertan eta Txantxo Zubeldia ELKAR argitaletxeko editoreak emango dizkizu xehetasun guztiak.

Euskarak festa handia dauka zain igandean Nafarroan eta euskaldun berriek zein euskara ikastekotan daudenek metodo berria proba dezakete aurrerantzean.Zuek badakizue, euskararen inguruko edozein gai interesgarri, hitzordu garrantzitsu edo lotura aipagarri ikusten baduzue, ez izan zalantzarik eta elkarbanatu gure Facebookeko horman. Denon arten euskara eta honen inguruko jakintza zabalduko dugu. Egun gutxi barru izango gara bueltan, ongi pasa asteburua!

Euskararen inguruko bloga estreinatu dugu “Klik” eginez!

Ikasturte berriarekin batera, Euskara eta honen inguruko berriak jorratuko dituen blog berri batekin gatoz, eta hori, nola ez, oso berri pozgarria da. Aurrerantzean, beraz, Euskaldunok Euskaraz Facebookeko orrialdean aipatutako albisteak, hitzorduak, eta beste zenbait kontu bilduko ditugu blog honetan. Goazen denok elkarrekin, euskararen inguruko jakintza partekatzera eta Euskara goraipatzera!

Igandean, urriaren 2an ospatu zen Euskararen aldeko jai handiaz hitz egiten hasiko dugu lehendabiziko laburpena. Azpeitia izan zuen topaleku 2011ko Gipuzkoako Ikastolen jaiak, eta Ikasberri Ikastolak antolatutako hitzordu honetara jende aunitz hurbildu zen Euskarari Klik bat egiteko asmoz. Aurretik, ordea, Kilometroak 2011ko abestia, “Klik” aurkezten genizuen horman, motorrak berotzen joateko. Egin “Klik” eta gozatu bideoaz!

Aste honetan, gainera, proiektu zoragarri baten berri ematen genizuen Facebookeko orrialdean, Baionatik Bilbora proiektuaren berri, hain zuzen ere, Iparraldeko 700 kanta sarean jartzeko eta ezagutzera emateko ekimen ederra. Urte askotarako!

Bertsolaritzak ere badu bere txokoa gure gizartean. Bertsoen mundua gustuko baduzu, bertsolariak ezagutu nahi badituzu, edo bertsolaritzaren nondik norakoetan sakondu nahi baduzu, hainbat bide dituzu. Batetik, Gpuntua izeneko Facebookeko horman Gipuzkoako Bertsolarien Txapelketako kontuak jarraitu ahal izango dituzu, bestetik, Aiziak biali du blogean ere bertsolaritzaren inguruko artikulu interesgarriak irakurri ahal izango dituzu eta amaitzeko, Xabier Sukia esatariak gidatzen duen Euskadi Irratiko “Hitza Jolas” irratsaioan bertsolariei elkarrizketak, aspaldiko bertsoak eta beste hamaika kontu entzun ahal izango dituzu igandero, arratsaldeko 14:00etatik aurrera.

Amaitzeko, eta teknologien munduan murgilduta gauden honetan, Sakelakoentzako euskarazko teklatu “inteligentea” kaleratu zutela kontatzen genuen horman. Ideia, 2011ko nonick-en sortu zen, eitb.com-ek eta Eusko Jaurlaritzak Interneteko joerei buruz antolatutako nazioarteko biltzarrean, hain zuzen ere, eta sakelakoen teklatuetan idaztean hitz baten amaiera eta hitz horren osteko hurrengoa izan daitekeena iragartzen du, euskaraz.

Ikusten duzuen moduan, euskarak ere badu zeresana teknologia berrietan, eta baita beste zenbait alorretan ere. Hori dela medio, hemendik aurrera euskararen inguruko edozein gai interesgarri, hitzordu garrantzitsu edo lotura aipagarri ikusten baduzu, ez izan zalantzarik, eta eskegi gure Facebookeko horman. Denon arten euskara eta honen inguruko jakintza zabalduko dugu. “Aitorren Hizkuntza Zaharra” kanta herrikoiaren zati txiki batekin, gaurkoz agur esateko ordua heldu da. Segi ondo!

Gora euskara maitea
zoragarriena
euskalduen artean
maitagarriena.
Munduan sortu zanik
hikuntzik zaharrena,
gora ta gora euskaldunak
eta gure euskara.

Milaka lagun, Araba Euskarazen

Laudion Araba Euskaraz 2011 ospatu dute igande honetan, “Izan zirelako gara, garelako izango dira” lelopean.
Lau kilometroko ibilbidea, lau gunetan banatuta, ekitaldiz josita egon zen. Arabarren esparrua Laudioko plazan, Bagare izenpean, gipuzkoarrek Bagera izenekoa parkean, Zuberotarrek Bagire Ugarten eta bizkaitarrek Bagara Ellakurin.

Laugarren aldiz hartu du Laudiok Araba Euskaraz jaia, eta, aurten, herriko ikastoletako sortzaileei omenaldia egin zaie.

Mintza Eguna, Elizondon

TOPAGUNEA Euskara Elkarteen Federazioak antolatuta, Mintza Eguna ospatuko da Elizondon. Aurtengo edizioa, seigarrena, ekainaren 4an izango da. Euskara Elkarteek herrietako euskaltegiekin eta euskalgintzako beste zenbait eragilerekin kudeatzen dituzten mintzapraktika egitasmoetan parte hartzen duten berbalagun, mintzakide, mintzalagun, solaskide guztiek elkar ezagutu eta egun
Mintzapraktika mugimenduaren tamaina ezagutzera emateaz gain, ikasturteari bukaera goxoa ere eskainiko dio seigarren Mintza Egunak. mintzaeguna

Topagunearen arabera, “gero eta jende gehiagok daki euskaraz, hizkuntzaren ezagutza gero eta arinago zabalduz doa. Erabilera ere haziz doa, baina erritmo apalagoan.”

Jende askoren harreman sareak erdaldunak dira, eta horrek zaildu egiten du euskara jakitetik euskaraz aritzerako jauzia ematea. Jauzi horretan laguntzeko, mintzapraktika egitasmoak daude abian hainbat herritan: bospasei lagunek osatutako talde txikiak osatzen dira, horietan euskaraz naturaltasunez moldatzen diren lagunak, haien jarioa landu nahi dutenekin elkartzen dira. Taldeok maiztasun jakin batekin biltzen dira (astean behin, gehienetan) euskaraz mintzatzeko eta tarteka-tarteka, ekintza osagarriak ere antolatzen dituzte, taldekideen gustuen araberakoak. Talde horiek guztiek topaleku birtuala dute interneten, MINTZAPRAKTIKA webgunean, bai eta “erreala” ere, urtero egiten den Mintza Egunean.

Mintza Egunaren egitaraua

11:00etan Ongi etorria eta hamaiketakoa Elizondoko Merkatu plazan
12:00etan Ibilaldi gidatua tokiko berezitasunak ezagutzeko.
13:30ean Mintzabermuta
14:30ean Bazkaria Merkatu Plazan (eguraldi txarra eginez gero frontoian).
16:00etan Sari banaketa.
16:30ean Euskal erromeria.

Irakurri, gozatu eta oparitu

Topagunearen Irakurri, Gozatu eta Oparitu egitasmoaren bosgarren edizioa abian da. Irakurketa sustatzeko asmoz sortu den egitasmoa Hego Euskal Herriko 12 herritan gauzatuko da, tokian tokiko euskara elkarteen, udal liburutegien eta liburu denden elkarlanari esker.

liburuak

Kanpainaren izenak berak argi adierazten duenez, hiru pausu eman behar dira bertan parte hartzeko:

Irakurri: lehenengo pausua irakurtzea da; euskaraz irakurtzea, hain zuzen ere. Herriko liburutegi publikora joan, eta euskarazko edozein liburu maileguan hartzea da lehen pausua. Hartzea eta irakurtzea, noski.

Gozatu: liburua irakurritakoan, liburutegira bueltatu, eta fitxa sinple-sinple bat bete beharko da: zein izan den irakurritako liburua, zer inpresio eman digun… Fitxa hori beteta, liburuzainak erosketa-txekea emango digu, hitzartutako liburu dendan erabiltzeko.

Oparitu: azken pausua, aurrekoetan bezalaxe, liburua oparitzea da: lagun bati, senide bati, bihotzeko azukre koxkorrari… edo, zergatik ez, norbere buruari. Liburutegian jasotako txartelarekin, prezioaren %25 ordaindu ahal izango dugu liburu dendan euskarazko beste edozein liburu erostean, edo %50 Euskara Elkarteko kidea izanez gero.

Egitasmoaren helburu nagusia irakurzaletasuna bultzatzea da, euskaraz irakurtzearen alde atsegina azpimarratu nahi izan dugu: euskararen erabilera gozagarria sustatu nahi du Topaguneak, irakurtzeak eta oparitzeak (zein opariak jasotzeak) dakarten gozamenaren bidez.

Baina, bide batez, oso garrantzitsuak diren bestelako helburuak ere lortu nahi ditu Topaguneak ekimen honen bidez:  batetik, Euskara Elkarteetako bazkide diren euskaltzaleak liburutegi publikoen erabiltzaile aktibo bihurtzea, era askotako eragile publiko eta pribatuen elkarlana sustatzea, eta eragile horien guztien arteko harreman sarea euskaraz hedatzea, eta azkenik, ekimen honek ekarpena egin nahi dio euskarazko liburugintzari, liburuen ekoizpena eta salmenta bultzatuz.

Irakurri, Gozatu eta Oparitu egitasmoa apirilaren 23an hasi zen, Liburuaren Nazioarteko Egunean. Katalanek Diada de Sant Jordi delakoa ospatzen dute egun horretan, elkarri arrosak eta liburuak oparituz. Amaiera, berriz, uztailaren 23an izango du: izan ere, uda izaten da jendeak irakurtzeko denbora gehien duen tartea, eta ondorioz uda aurreko hilak oso egokiak iruditu zaizkigu liburu trukea sustatzeko.

Aiziak biali du!!!!!

Aiziak biali du edo haizeak ekarri du eitb.com-eraino. Blog berri bat jarri dugu martxan, bertsolaritzaren ingurukoa. Plaza zabala izan nahi du honek, bertsoarekin zerikusia duen orok izango du lekua blog berri honetan, euskaraz eta euskaratik. Gaiak, Xabier Sukia eta Onintza Enbeita bertsolariek jarriko dituzte.  Batzuetan tiraka eta besteetan tiroka arituko dira, bakoitza beretik. Hitza Jolas eta Hitzetik Hortzera-ko edukien erakusleiho ere izango da plaza hau.  Ibilbideari ekiteko, jokatu berri den Nafarroako Bertsolari Txapelketari egin diogu lekua. Horra:

Koldo Mitxelenaren lan guztiak, bilduma batean

Laster 25 urte beteko dira Koldo Mitxelena hil zenetik. Euskara batuaren aita, Euskal Herriko Unibertsitateko sortzailea eta euskal filologo guztien erreferentea izan zen. Bere ondarea ez galtzeko, Donostian aurkeztu dute bere lan guztiak era antolatu eta argigarrian batzen dituen bilduma.

Gipuzkoako Foru Aldundiaren eta Euskal Herriko Unibertsitatea-ren ekimenez, eta Eusko Jaurlaritza-ren laguntzarekin, Joseba Lakarra eta Iñigo Ruiz Arzalluz irakasleak zortzi urte eta erdiz aritu dira lanean, Koldo Mitxelenak utzitako ondarea, liburuak eta denetariko argitalpenak, biltzen eta antolatzen.

15 liburu hauetan Mitxelenaren idatziei hainbat ohar, erreferentzia eta aurkibide erantsi dizkiete lagungarri gisa, maisuaren lana eskuragarriago egon dadin.

Mintzapraktikak, Fipa, Argia eta bai euskarari sariak

Kaixo guztioi!

Zer moduz joan da astea? Ostirala da jada eta gainera esan dute astebukaerarako eguraldi ona egingo duela!

Notizia onak ditugu euskarari dagokionez, alde batetik, gaur egun 400.000tik gora biztanlek kontsumitzen ditu euskarazko hedabideak, Eusko Jaurlaritzaren ikerketa baten arabera. Notizia onak ezta?

Bestalde,  Mintzapraktikak izeneko beste ekimen batek arrakasta handia izaten ari du. Mintzapraktika programak euskaraz hitz egiteko ohitura duten pertsonak, euskaraz hitz egiteko ohitura ez duten pertsonekin elkartzean datza. Beraz nahi baduzue, badakizue 😉

Gainera, zuek batutako notizia ugari ere baditugu; Maite Lasak esan digun bezalaxe, “Fipa jaialdia ospatu zen Miarritzen. Sail ofizialetik kanpo Asier Altuna zinema zuzendariak, Bertsolari filmaren aurrerapena eskainiko du, orain arte egina duenarekin.” Norbait egon al zen?

Beñat Mendietak bestalde, hauxe idatzi zigun “Usurbilgo Atxega Jauregia jatetxean egingo den ekitaldian banatuko dituzte gaur 2010eko ARGIA Sariak. Ohi bezala, prentsa, irrati, telebista, publizitate eta Internet esparruko sariak emango dira

Baina beste sari batzuk ere banatu ziren, esaterako Ainere Agirrek aipatu bezala, Ziurtagiriaren Elkarteak Bai Euskarari Sariak banatu zituen otsailaren 1ean Donostian.

Beraz hauxe da aste honetan jaso duguna, parte hartzea nahi baduzue, eskertzen dizuegu, horrela informazio konpletuago bat emateko. Eskerrik asko denoi!

Korrika 2011, euskalbar eta euskara senatuan

Egun on guztioi!

Zer moduz pasatu duzue astebukaera hotz hau? Gaur ere egun hotza da , baina guk motorrak berotzeko Euskaldunok euskaraz facebookeko orrialdean idatzitakoak bildu eta beti bezala laburtu ditugu.

Ane Zabalak esan digun bezala Euskaldunok facebooka ere euskaraz erabili dezagun!!” Horretarako badago modurik, facebooken adibidez talde bat sortu dute euskara bultzatzeko.

Bestalde Interneten ere,  euskararen erabilera bultzatzeko, Euskalbar izeneko tresna erabili dezakegu, Pello Sanz-ek esaten duen bezala . Baita onlin hiztegia ere,  oso interesgarria da , euskara-gaztelania, sinonimoak… denetarik aurki dezakezue bertan.

Gainera politika arloan ere notizia oso onak ditugu euskararentzat, Amaia Etxebarriak aipatu digun bezalaxe, Senatuan ere euskaraz!!”. Halaxe da, Senatariek Estatuko hizkuntza koofizial guztiak erabili ditzakete dagoeneko osoko bilkuretan, eta zeregin horretarako aldibereko itzulpen sistema bat ezarri dute.

Beñat Mendietak erreflexioa eragingo digun notizia bat utzi digu gure artean, Zergatik ez dugu euskaldunok euskaraz egiten?” Norbaitek baino gehiagok horrelako galderaren bate gina izango diogu gure buruari, ba hona hemen azalpena.

Azkenik, hemen uzten dizuegu, Gosek aurten korrikarentzat egin duen abestia! Gustoko al duzue?

korrika

Boiseko Ikastola, esamoldeak, emakumearen berdintasuna

Egun on guztioi! Ostirala da eta ematen du oso eguraldi eguzkitsua egingo duela bai gaur eta baita astebukaeran ere!

Hasteko zuen partehartzea eskertzea gustatuko litzaiguke, ia 5000 pertsona baikara Euskaldunok euskaraz facebookeko orrialdean. Guztion artean, komunitate indartsu bat sortu dugu euskararen inguruan, beraz badakizue euskaldunon gainean edo euskararen inguruko ekitaldi, informazio edo notizien berri baduzue, badakizue, hemen publika dezakezue nahi bezainbeste!

Bihotzetik Mundura, From the heart to the world, abestia, Boiseko Ikastolak idatzi du, Ikastola hau da bertan euskaraz egiten den  ikastola .Testua ingelesez dago, baina abestia ta bideoa euskara ederrean, baina, mezua ez da nolanahikoa. Beraz pozik egon gaitezke notizia honengatik!

Maite Lasak emakumeentzat notizia on bat idatzi digu:  “Begiratu nolako notizia ona emakumeentzat: Teresa del Valle antropologoak Emakunderen Berdintasun Saria irabazi du.” Zorionak Teresa!

Beñat Mendietak bestalde,  Euskal Presoen eskubideen aldeko manifestazioaren inguruan hitz egin digu. “antolatzaileen arabera, “aspaldiko handiena” izan da manifestazioa, eta ez du ibilbide osoa hartu metro gutxigatik.”

N kitto Gonzalezek deialdia egin du euskal esamoldeak biltzeko dagoen facebookeko orrialde baterako “ea jendeak parte hartzen duen eta dakizkien esamoldeak sartzen dituen!”

Azkenik, Itxaso Apraizek, erreflexioa bideratzen duen comentario bat utzi digu: “Twitterren irakurri dut hau eta deialdi bat da gauza gehiago euskaraz egin ditzagun. “Euskaldunon aukerak TDTn: Nik 45 kate ditut etxean. 3 baino ez euskaraz 🙁 Eta oraindik gauza batzuk entzun eta irakurri beharra. Ai ene !” benetan zerbait egin beharra dugu denon artean!”

Hauxe da guztia beraz, astebukaera polita izan dezazuela!