Bilduma hau 2004an argitaratu zuen Tigersushi France zigilu diskografikoak. Abestien aukeraketa eta bilketa lana Volga Select bikoteak egin zuen Frantziako new wave eta post punk mugimenduen ildoan aritu ziren taldeen ekoizpen esperimentaletatik abiatuz. Bilduma honetan jasotako 16 izenburuen artean “Suis Je Normale“, “Roman Photo”, “Person to Person“, ” The Force Part 1“, “Switch on Bach” edota “Disco Rough” bezalako kultuzko kantak aurkituko dituzue; cold wave, cyberpunk eta techno musiken aitzindari diren izenburuak .
Gaur, gaueko hamarretan hasita, Eitb Musikaren sintonian, 80ko hamarkada hasierako Frantziako undergroundera egingo dugu bidaia.