1991ko Lost Winter’s Dream Lisa Mychols kaliforniarraren debut diskoa izan zen. The Wondermints taldearekin grabatu zuen lan honetan nabaria da 60ko hamarkadako pop amerikarraren eragina eta batez ere Phil Spectoren itzala (A Christmas gift for you from Phil Spector ). Hala eta guztiz ere, Lost Winter’s Dream Eguberri festetarako prestatutako disko bat baino zerbait gehiago da. Musikaren kalitateak eta abestiak hain entzungarri eta atseginak izateak, urte osoan zehar entzuteko moduko diskoa egiten dute.
Gaur, 22:00etatik aurrera, Eitb Musikan izango dugu entzungai.