John Cale, underground musikaren izenik eraginkorrenetako bat, gaurko Eguneko Diskoko protagonista izango da, gaueko hamarretatik aurrera, Eitb Musikaren sintonian. Izan ere, gaurko aukeratu dugun diskoa Paris 1919 (1973) da, Cale-ren bakarkako lanik txalotuena. Velvet Underground taldearen kide sortzaileak kanta goxoz osatutako lana aurkeztu zuen kasu honetan. Abangoardiako soinu zaratatsuen egileak oso bestelako diskoa sortu zuen Chris Thomas ekoizlearekin batera: istorio txikiak dira disko honetako kantak, hitz literario iradokitzailez osatuak, eta orkestra moldaketa dotoreek lagunduta.
John Cale: Paris 1919
Leave a reply