1861.urtetik 1865.urtera iraun zuen Estatu Batuetako Sezesio-gerrak. Konfederatuen eta unionisten arteko guda honetan, bi aldeetako soldaduen denborapasarik gogokoena kantatzea zen. Estatubatuar abeslari askok kantatu izan dituzte bando bateko zein besteko kantak, baina Tennessee Ernie Ford-ek 1961.urtean, gerraren mendeurrenean, grabatu zituen hauek gure arreta merezi dute. Ford estatubatuar bakarlaririk arrakastatsuenetako bat zen 60.hamarkadaren hasieran eta bere baritono ahotsarekin beste inork baino hobeto interpretatu zituen gerrako kanta hauek. Gaur, gaueko hamarretatik aurrera, eitbmusikaren sintonian, Tennessee Ernie Ford alde batekoen zein besteen kantak entzuteko aukera izango duzu.