PLAYLIST: DANNY KIRWAN Second Chapter

Danny Kirwan musikari britainiarrak bakarlari gisa kaleratu zuen estreinako diskoa berrargitaratua izan da. Second Chapter izeneko lan honek 1975ean ikusi zuen lehen aldiz argia, hain zuzen ere, Danny Kirwan gitarristak Fleetwood Mac taldea utzi eta 3 urtetara. 

Diskoa DJM zigiluak eman zuen argitara eta Martin Rushent-ek ekoiztu, 70eko hamarkadako azken urteetan eta 80ko hamarkadako lehen urteetan nazioartean ospe handiko ekoizlea bihurtuko zenak, Buzzcocks, Stranglers, The Human League, Ultravox, Generation X eta Spandau Ballet bezalako taldeekin egin zituen lanei esker.

Disko hau osatzen duten 11 kantak, Danny Kirwan berak konposatu zituen eta 1973 eta 1974 urteetan izan ziren grabatuak. Grabaketa saioetan aritu ziren, Danny Kirwan gitarrista eta abeslariaz gain, Geoff Britton (bateria), Andy Sylvester (baxua), Paul Raymond (pianoa) eta Jim Russell (perkusioa).

Leave a Reply

Your email address will not be published. Required fields are marked *