Munduko Futbol Txapelketa hasi aurretik, sexuak kirolariengan eragina izan dezakeen ala ez aztertu genuen, eta aste batzuk geroago, erantzuna inoiz baino argiago dugula esan dezakegu.

“Mundialak” argi utzi du sexua ona dela futbol-jokalarientzat. Izan ere, final laurdenetara iritsi ziren zortzi taldeek baimenduta zeukaten, txapelketak irauten duen bitartean, sexu-harremanak edukitzea. Aitzitik, sexua debekatuta zuten talde denak, kalean daude dagoeneko.

Horrekin lotura, norgehiagoka jokatu baino bi ordu lehenago sexua izateak ez duela inolako eraginik erakusten duten hainbat ikerketa daude.

Sexua debekatu zuten selekzioak

Bosniako, Txileko eta Mexikoko entrenatzaileek adibidez, ez zieten jokalariei sexua praktikatzeko baimenik eman. Alemaniak eta Holandak, aldiz, aisialdirako denbora eskaini diete futbolariei, neska-lagunekin zein emazteekin egoteko aukera emanez. Brasileko jokalariek ere sexu harremanak izan ditzakete jai egunetan.