Tantra, sexua eta bizitza bera beste modu batera bizitzen irakasten duen filosofia da. Praktikan jartzeko, sexu harremanak izatean teknika eta irakasgai batzuk jarraitu behar dira.

Sexu kitzikapena relax edo lasaitasunarekin bateratzea dute helburu teknika horiek. Barne orgasmoak eta isurtzea kontrolatu daitezke tantraren irakaspenei esker.

Lasaitasun egoera hori lortuta, hurrengo pausoa kontzientzia hartzearena da. Egiten dugunak sortzen dizkigun sentipenak balioesteko eta plazera benetan gozatzeko gai izan beharra dago. Horrela, lasai hartu eta oraindik polikiago egin ditzakegu sexu jolasak.

Tantraren printzipioak jarraituz, neurtzea kontuan hartu beharreko kontua da sexu harremanak izatean. Benetan sentitzen denaren kontzientzia hartu eta adimena behar bezain zorrotz badago, sentitzen den kitzikapen maila neurtu beharra dago. Norbere burua ahalik eta hoberen ezagutzea ezinbestekoa da tantraren jarraitzailearentzat. Kitzikapena zein puntutara heldu den jakinez, nahi bezala kontrolatu ahal izango da berau.

Filosofia honen beste oinarrietako bat da “olatuarena”. Teknika honen bidez, plazera etengabe igotzen doa, orgasmo anitzak eta igoera eta jaitsierak tartekatuz. Etengabe plazera xurgatzean datza.