Merkatuan kondoi mota ugari aurki ditzakegu. Hasteko, neurri ezberdineko kondoiak daude, mutil guztiek ez baitute tamaina bereko zakila, baina, beste ezaugarri batzuen arabera ere sailka ditzakegu preserbatiboak:

LATEXEKO KONDOIAK:

Latexeko kondoiak dira gehien saltzen direnak eta mota ezberdinetakoak daude:

Ildaskatua edo “estriatua”: baginaren hormak estimulatzeko.

Anatomikoa: goiko aldea zabalagoa du honek.

Lubrifikatua: Latexa ez apurtzeko aproposa da.

Zaporedunak eta koloredunak: dastamena eta ikusmena estimulatzeko.

Finak: Gizonaren plazerra areagotzeko.

Orgasmoa atzeratzen duten kondoiak.

Espermizida duten kondoiak: haurdunaldi arriskua are gehiago gutxitzen dute.

PLASTIKOZKO KONDOIAK:

Plastikozko kondoiak homosexualentzako dira egokiagoak. Besteek bezala, sexu bidez kutsatzen diren gaixotasunetatik babesten gaituzte.

NESKENTZAKO KONDOIA:

Emakumearen baginan jartzen da. Ondo jarriz gero, %95eko eraginkortasuna dauka. Plastikozkoa zein latexekoa izan daiteke eta bi “eraztun” txiki ditu: bata irekia eta bestea itxia. Semenari ez dio barrura sartzen uzten eta honek ere gaixotasunetatik babesten gaitu.

Gainera, abantaila asko ditu: oso erosoa da, edozein neskak erabili dezake eta ez du mutilaren plazerra murrizten.