Munduan zehar hainbat jatetxe erotiko existitzen dira eta Eingo al deu sexu blogak horietako batzuk aurkeztuko dizkizue:

Dungeon (Tel Aviv): Jatetxe sadomasokista da. Sarreran emakume sexy batek zabaltzen du atea eta zigorrada batekin ematen dio ongietorria bezeroari. Mahaian jartzen denean, aulki batean lotzen dute, bilurrak erabilita, eta larruzko arropekin, kateekin eta maskarekin jantzita dauden zerbitzariek ateratzen diote jatekoa. Jatetxe honetan, sabaitik eskegita burdinazko kaiolak daude.

Subrosa (Oregon, AEB): Arropa gutxi daramaten emakume ederrek zerbitzatzen dute jatetxe honetan. Gainera, bezeroek biluzik jan dezakete.

Mildred’s Temple Kitchen (Toronto): San Valentin astean sekulako aldaketa izaten du jatetxe honek. Hain zuzen ere, “postre berezi batekin” gozarazten dituzte bezeroak bertan, bainuan sexu harremanak izateko aukera ematen baitiete. Aukera hau “hil aurretik sexua izateko 101 toki” ekimenarekin lotuta dago eta monotoniarekin amaitzea eta leku publikoetan sexua izan nahi dutenen fantasiak asetzea bilatzen du.

Escrupulos (Buenos Aires): Jatetxe honetan dena konpartitzen da, platera izan ezik. Bezeroen artean bikote aldaketa egitea proposatzen dute hemen. Afaria amaitzen dutenean, bezeroek alboko mahaiko neskekin edo mutilekin izaten dituzte harremanak.

La Tentacion (Madrid): Jatetxe honetan deigarriena platerkaden izenak dira: “Novizia titiak”, “Sirena ninfomanoak” eta antzeko jatekoak zerbitzatzen dituzte bertan.