Kamasutran mota guztietako jarrerak azaltzen dira; batzuk praktikatzeko oso zailak, beste asko, berriz, nahiko xelebreak. Gaurkoan, errotaren ‘postura’-ri buruz hitz egingo dizuegu. Emakumeak, zakila ardatz bezala duela, gizonaren gainean egiten duen biran oinarritzen da.

Jarrera honetan, bai neskek nahiz mutilek sentsazio ezberdinak nabaritzen dituzte eta sarketa eteteko aukera ematen du.

‘Postura’ hau hiru fasetan egiten da:

Lehen fasea: Emakumea bikotearen gainean belaunikatu behar da. Zakilaren gainean mugimendu bertikalak eginez estimulatu daiteke.

Bigarren fasea: Emakumeak gizonaren bularraren eskuinaldean jarri behar ditu hankak eta bueltak ematen hasi behar da.

Hirugarren fasea: Emakumeak bizkarra eman behar dio gizonari. Estimulazio bertikalarekin jarraitu behar da, aurrealderantz makurtuz, sarketaren angelua aldatzeko. Azken momentuan, berriro mutilari begira jarriko da neska.

Jarrera aldaketa hauetan erraza da zakila baginatik ateratzea, batez ere bigarren eta hirugarren faseen artean.