9 ordu jo eta ke masturbatzen

Aurten ere bakarkako gozamenaren topaleku bihurtu da San Frantzisko. “Masturbate-a-Thon” masturbazio-maratoiak jende ugari bildu du, karitatezko egintzetarako dirua jaso eta, bidez batez, oraindik toki askotan tabua den sexu-praktika hau sustatu ahal izateko.

Beste edozein maratoiren antzekoa da, baina nekatuta amaitu beharrean, erlaxatuta eta gustura bukatzen dute parte hartzaileek.

San Frantziskon ez ezik, orain arte Londresen eta Copenhaguen ere egin izan dira 2000. urtetik ospatzen den ekintza honen antzeko lehiaketak.

Orain arteko markarik onena Tokioko gizon batek dauka: 9 ordu eta 33 minutuko marka lortu zuen iaz. Bere lagunek aitortu dutenez, entrenamendu asko behar izan du errekorra lortzeko.

“Masturbatorium” izeneko gela batean, parte hartzaileek ahal duten beste denbora pasatzen dute sexua praktikatzen eta bitartean, euren lana ondo egiten dabiltzan kontrolatzen du sexologo talde batek. Urtero ekintza honetan parte hartzen duen sexu-entrenatzaile batek azaldutakoaren arabera, “garrantzitsuena geldo masturbatzea eta arnasa ondo hartzea da”.

Baina, masturbatzen denbora gehien igarotzen duen parte hartzailea ez da saritu bakarra izaten. Orgasmo gehien lortzeko gai denak ere, saria eraman ohi du etxera.

Noiz iritsiko dira Euskal Herrira mota honetako lehiaketak?

1 thought on “9 ordu jo eta ke masturbatzen

  1. xaki

    Nik ezagutzen dut bat zazpi paja segitun einzituna.

    Biana 9 ordu masturbatzen ezinda normala izan ezta naturala be

    Erantzun

Utzi erantzuna

Zure e-posta helbidea ez da argitaratuko. Beharrezko eremuak * markatuta daude