Erakarpena. Gaur egun, hitz hau irudiarekin dago estuki lotuta, erakarpen fisikoarekin alegia, baina zer esaten didazue ahotsaren erakarpenaz edota usaien erotikoaz?

Helduko da eguna gorputzei buruz hitz egiten duguna, baina gaurkoan, gure izaerak dituen beste ezaugarri batzuetan jarriko dugu arreta.

Zenbat aldiz geratu zarete ahots batekin liluraturik? Zenbatetan  kitzikatu zaituzte pertsona baten usainak? Erreparatu diozue noizbait gorputzeko atal ezberdinen mugimenduei?

Azken finean, elementu asko ditugu besteentzat erakargarriak izan daitezkeenak, baina askotan begiek beste guztia izorratzen dute.

Hemendik proposamen bat luzatzen dizuet, hasi zaitezte holako elementuei erreparatzen, eta ondoren utzi zuen irudimena aske, ea zer gertatzen den…