Ibon Ajuria, finalaurrekoetara

Balmaseda-taalde-argazkiaBalmasedan jokatu zen atzo Bizkaiko Bertsolari Txapelketa 2012ko bigarren kanporaketa. Ibon Ajuriak batu zituen puntu gehien, Klaret Antzokian izandako saioan. Hala, bertsolari gernikarra zuzenean pasatuko da finalaurrekoetara. Soinuarekin izandako arazoak gora behera, giro polita egon zen atzoko kanporaketan.

Horra, Balmasedako saioko puntuazioa:

Ibon Ajuria 431,5
Gorka Ostolaza 413
Eñaut Uruburu 354
Xabat Galletebeitia 349,5
Ander Salaberria 329
Itxaso Paia 319

Lehendabiziko kanporaketa Berriatuan jokatu zen, urriaren 4an. Iratxe Ibarrak eskuratu zuen finalaurrekoetara zuzenean pasatzeko txartela. Hauteskundeak direla eta, datorren asteburuan ez da kanporaketarik izango. Urriaren 27an Mungian eta urriaren 28an Sopelan izango dira hurrengo hitzorduak. Gogoratu, datozen saioetarako eta finalerako sarrerak salgai dituzuela Bertsosarrerak webgunean.

Iratxe Ibarrak irabazi du lehen kanporaketa

Abian da Bizkaiko Bertsolari Txapelketa 2012. Atzo eman zioten hasiera, Berriatuan jokatu zen lehendabiziko kanporaketarekin. Iratxe Ibarra izan zan nagusi. Hala, markinarra zuzenean sailkatuko da finalaurreetara eta gainontzekoek puntuazinoaren arabera izango dute aukera.

berriatua-3
Sei bertsolari aritu ziren nor baino nor, Leire Bilbao gai-jartzailearen aginduetara.

Berriatuako puntuazioa:

Iratxe Ibarra 450
Arrate Illaro 402
Imanol Uria 371.5
Xabier Enbeita 357.5
Jone Larrinaga 346
Inazio Vidal 340

Hurrengo kanporaketa Balmasedan jokatuko da, urriaren 16an. Ander Salaberria, Eñaut Uruburu, Gorka Ostolaza, Itsaso Paia, Ibon Ajuria eta Xabat Galletebeitia lehiatuko dira bertan. Gogoratu, kanporaketetarako zein finalerako sarrerak salgai daudela Bertsosarrerak weborrian.

BaDaGaRa … badator Bizkaiko Bertsolari Txapelketa!

Igandean abiatuko da Bizkaiko Bertsolari Txapelketa. Berriatua izango da lehen geltokia. 38 bertsolarik hartuko dute parte; tartean, Arkaitz Estiballes eta Igor Elortza, azken bi ediziotako txapeldunak. ‘BaDaGaRa’ da aurtengo leloa eta Audience musika taldeak egin du sintonia. Horra, aurkezpenerako prestatu duten bideoa:

Finala Bilboko Miribillan jokatuko dute, abenduaren 15ean, 17:30ean. Sarrerak, dagoeneko, salgai daude www.bertsosarrerak.eu webgunean.

Xenpelar eta Chopin, eskutik helduta

“Bi arreba”. Andoni Egaña eta Xabier Lizasoren proiektu berria. Xenpelar eta Chopin. Bertsoa eta pianoa. Ikuskizuna.

bi-arrebaAndoni Egaña bertsolariak eta Xabier Lizaso piano-joleak emanaldi berri bat abian jarriko dute. Bertsoa eta musika uztartuko dituen emanaldiak bi pertsonaia ezagunen bizitza islatuko du: Xenpelar eta Chopin. Musika eta bertsoa uztartuz, bi pertsonaia horien bizitza islatuko dute. Hauxe da istorioa: Chopinzalea da Xabier Lizaso piano-jolea. Xenpelar gustuko du Andoni Egaña bertsolariak. Chopinek eta Xenpelarrek badute elkarrekiko antzekotasunik. Garai beretsuan bizi izan ziren. Biak ziren, bakoitza bere arloan, artista handiak. Biak izan ziren berritzaile. Biak ziren katolikoak. Biak ziren Estadurik gabeko nazioetakoak. Biek bizi izan zituzten garai politiko gatazkatsuak. Biak hil ziren gazterik, biak gaisotasunez ondorioz, bata 34 urterekin eta bestea 39rekin. Eta heriotza orduan, biek izan zuten ondoan…arreba. Chopin eta Xenpelarrek ez zuten elkar ezagutu. Xabier Lizasok eta Andoni Egañak bai. Horregatik, bi mundu, bi obra, bi kultur-modu eta bi arreba ezagutu eta ezagutzera emateko ahalegina egin dute.

Lehen emanaldiak:
Azaroak 1: Bilboko Eliseos Antzokian
Azaroak 22: Andoain. Basteron
Abenduak 12: Bilboko Deustu auzoan
Abenduaren 15: Errenteri.Niessen kultugunean

Abian dira Bertso-Udalekuak!

300 haur eta gaztetxok hartuko dute parte Bertsozale Elkarteak antolatutako bertso-udalekuetan; uztailaren 1ean hasi, eta udara osoan zehar zazpi txanda ezberdinetan antolatuta egongo dira Euskal Herri osoko bertsozale gazteak.

Ekimen ugari prestatu dituzte: tartean, bertsolariekin zuzeneko harremana izango dute. 15. edizio honetan Maialen Lujanbio, Jon Maia, Onintza Enbeita, Xabi Paya, Sustrai Colina, Fredi Paia, Sebastian Lizaso, Julio Soto, Jon Martin, Beñat Gaztelumendi eta Arkaitz Estiballesen bisita jasoko dute. Kantugintza ere landuko dute Oskar Estangarekin eta udalekuetako diskoa grabatuko dute.
Bertso Udalekuak 2012
Horra, antolatu diren txandak:

– Uztailaren 1etik 7ra, Barria, Araba. 9-11 urteko haurrak
– Uztailaren 8tik 14ra, Orio, Gipuzkoa. 12-14 urtekoak
– Uztailaren 8tik 16ra, Bidarrai, Behe Nafarroa. 15-18 urtekoak
– Uztailaren 15etik 21era, Irañeta, Nafarroa. 12-14 urtekoak
– Uztailaren 17tik 23ra, Orio, Gipuzkoa. 9-11 urtekoak
– Uztailaren 22tik 28ra, Arrazola, Bizkaia. 9-11 urtekoak
– Abuztuaren 27tik 31ra, Zuhatza, Araba. 9-11 urtekoak

Bertsolaritzaren transmisioaz arituko dira EHUko Udako Ikastaroetan

upv logo“Hiztunetik hiztunera, euskararen bizipenek ezarritako bidetik” mintegia eskainiko da, EHUko Udako Ikastaroetan, ekainaren 27, 28 eta 29an Donostian. Jone Miren Hernandez Garcia antropologoak zuzenduko du ikastaroa. Hiru egunetan hainbat aditu batuko dira eta ondorengo gaiak jorratuko dituzte: iragana (hizkuntzaren memoria), hizkuntzen eta identitateen egungo bidegurutzeak eta etorkizuna (gazteak).

Euskarak azken 40 urteotan, bere bidea egin du, baina hiztunak? Zer dakigu tarte horretan bizitakoaz? Zer dakigu garatutako emozio, sentipen, edota oroimenei buruz? Zer esanahi du egunetik egunera ukipen egoera horretan murgiltzeak? … Galdera horiei guztiei erantzuna ematen saiatuko dira, besteak beste, Xabier Gantzarain idazlea, Idoia Etxeberria eta Juan Martin Elexpuru ahotsa.com-eko kideak, Paula Kasares irakaslea, Maider Elkoro Topaguneako kidea eta Jon Maia eta Ixiar Eizagirre bertsolariak.

Mintegiari buruzko informazioa guztia, EHUko webgune honetan aurkituko duzue.

Bertsolariak, glosadoreak eta ‘casteller’-ak

Bartzelonatik agurtu du denboraldia Hitzetik Hortzerak. Programak berak eta Bartzelonako Euskal Etxeak elkarlanean antolatutako Bertso-Soparra izan da hondarreko atalaren ardatza. Agin Rezolak eta Igor Elortzak saio bikaina egin zuten, bai librean, bai Jone Uriak jarritako gaiei kantatzean. Bertsoaldi onenak eta hiru bertsolariekin egindako elkarrizketak eman dituzte bertso programan. Jone Uria udazkenetik bizi da Bartzelonan, eta bertso jarrien bidez erakutsi du hiria HHn. Gainera Sants auzokoko Borinots Castellers taldeko kide ere bada Jone, eta Kataluniako tradizio horren barrunbeetan gidatuko du ikusentzulea, hori ere bertso kantuan.

Kantu inprobisatua gero eta indartsuago dago Herrialde Katalanetan. Horren erakusgarri Milena Rafòls, Lluis Gracia, Christian Simelio eta Farriol Macip glosadoreek bazkaloste batean egindako jarduna eta eurekin egindako hizketaldia eman dituzte. Hori guztia eta askoz gehiago, Hitzetik Hortzeran:

Auzolanean osatutako bertsoak

Unai Muñoa eta Ane Labaka izan dira Hitzetik Hortzerako platoan asteon. Ttakun euskara elkarteak koordinatuta, urtero egiten dute bertso-saio berezia Lasarteko Manuel Lekuona kultur etxean. Herriko kultur taldeek elkarlanean ontzen dute ikuskizuna, eta denetarik izaten da: dantza, antzerkia, musika… eta, jakina, bertsoa. Aurten, Maialen Lujanbio eta Andoni Egañarekin kantatu dute, eta hango berri emango dute platoan Labakak eta Muñoak. Hori eta asko gehiago, Hitzetik Hortzeran. Horra:

Belfasteko Bertso Dinneretik bueltan, Alaia Martin kontu kontari

Egin berri dute Belfasten Bertso Dinnera bosgarrenez. Han izan dira kantuan Alaia Martin eta Jon Maia. Aurten, gainera, harrera ofiziala egin die bertsolariei Belfasteko alkateak berak. Hango berri eman du Martinek, baita hezkuntza arautuan ematen dituen bertsolaritza eskolez ere. Hori eta askoz gehiago Hitzetik Hortzeran: