Udabarriko III. Azoka, larunbatean, Bermeon
Planik bai, astebururako? Bertoko produktuen Udabarriko III. azoka egingo da Bermeoko azokan apirilaren 23an, zapatuan. Jakin nahi al duzue zer antolatu duten? Blog honetan emango dizuegu informazioa.
9:00etan hasi eta 15:00ak arte, protagonista ugari izango ditu goizak: bokarta-pintxoa, taloa eta gozoak dastatzeaz gain, baserriko lehen mailako produktuak, produktu ekologikoak eta Bermeoko enpresetako kontserbak eskuratzeko aukera eskainiko dute.
Horrez gain, umeek ere primeran pasako dute eskulan-tailerretan, 11:00etatik 13:00era. Jaia euskal musikaz girotuko dute. Eta ez ahaztu Bermeoko azokak aparkalekua duela, autoa bertan utzi eta erosketak errazago egin ahal izateko.
